Uzoq muddatga ishlash uchun ketayotgan yurtdoshlarimiz orasida xotinqizlar ham ko‘pchilikni tashkil etadi.Oila, ro‘zg‘or tebratish, farzandlarning moddiy ta’minoti zimmasiga tushgan opa-singillarimizning huquqiy himoyasi, yaxshi mehnat sharoitlarida ishlashi odam savdosi qurboni bo‘lib qolishining oldini olish tuman hokimligi, oila va xotinqizlar bo‘limi, huquqni muhofaza qiluvchi idoralarning e’tiboridagi masalalardan biridir. 

Tuman hokimining o‘rinbosari, Oila va xotin-qizlar bo‘limi boshlig‘i Nargiza Sarimsaqova rahbarligida tumanda yashovchi, uzoq muddatga ishlash maqsadida xorijiy davlatlarga ketish istagida bo‘lgan xotin-qizlar bilan suhbatda ana shu masalalar xususida so‘z bordi. Suhbat davomida xotin-qizlarning mehnat migratsiyasiga chiqish sabablari, ularning mehnat shart-sharoitlari, huquq va manfaatlarini himoya qilish masalalari muhokama qilindi. 

Shuningdek, ularga xorijda yuzaga kelishi mumkin bo‘lgan muammolar, aldovchi fuqarolar yoki noqonuniy ishga joylashtirish holatlarining oldini olish bo‘yicha tushuntirishlar berildi. Tuman Kambag‘allikni qisqartirish va Bandlikka ko‘maklashish markazi hamda Savdo-sanoat palatasi tomonidan xotinqizlarga xozirgi kunda yaratilayotgan imtiyozlar yuzasidan tushuntirish ishlari olib borildi. 

Tumandagi bo‘sh ish o‘rinlari va oylik maoshlari bilan tanishtirildi. O‘z yurtida qolib, farzandlari, oilasi davrasida bo‘lib, shu yerdagi ish o‘rinlariga kirishlari taklif etildi.