“Iftihor” klasterining Norin tumanida 850 gektar ekin maydoni bor. Shundan 340 gektari Qoradaryoning quyi tomoni-Orol hududida joylashgan. Ayni vaqtda shudgorlash barobarida karta qirg‘oqlari, qarovsiz turgan do‘nglik va suv yo‘llari chetlari hisobiga yana 10 gektar qo‘shimcha ekin maydoni tayyorlanmoqda. Shuningdek, 80 gektarda tomchilatib sug‘orish tizimi joriy qilinadi.

Viloyat hokimi jarayon bilan yaqindan tanishdi. Orol hududida yerni kengaytirish imkoniyatlari katta ekanligi, fermer xo‘jaliklari ham bu kabi ishlarni olib borishi lozimligini taʼkidladi.

Shundan so‘ng, “Paxtakor”,  “Norinkapa”, “Toshkent”, Shamsiddinov nomli MMTPlar hududidagi bir qator fermer xo‘jaliklarida bug‘doy ekilgan maydonlarni sug‘orish, dala chetlari va suv yo‘llarini tartibga solish, mahalliy o‘g‘it chiqarish, shudgorlashni sifatli o‘tkazish kabi masalalarga eʼtibor qaratildi.