Davlatimiz rahbari belgilab bergan vazifalar mohiyatini anglagan, zimmasidagi masʼuliyatni his qilgan mutasaddi rahbar borki, xalq bilan yaqin bo‘lishga intilib, muloqotning samarali usullaridan foydalanmoqda. Va albatta, bu o‘z samarasini bermoqda.

Ochiq va samimiy muloqot tarzida kechgan qabulda tuman aholisining turli sohalarga oid muammolari, talab va takliflari eshitildi. Jumladan, fuqarolarning  sog‘ligini tiklash, moddiy yordam, uy-joy, ichki ko‘chalarni asfaltlash, oilaviy masala, mulkiy nizo, bandlik, uy-joy masalalarga alohida eʼtibor qaratildi.

Ayrim murojaatlar shu joyning o‘zida hal etilgan bo‘lsa, o‘rganish uchun muddat talab etiladigan murojaatlar belgilangan tartibda nazoratga olinib, qisqa muddatlarda qonuniy hal etish yuzasidan masʼullarga tegishli ko‘rsatma va topshiriqlar berildi.