Yoshlar bandligini taʼminlash va ularning biznes g‘oyalarini ro‘yobga chiqarish maqsadida qabul qilingan PQ–60-son qarori asosida mamlakatimizda yangi imkoniyatlar eshigi ochilmoqda. Shu doirada Norin tumani hokimligi majlislar zalida yoshlar bilan ochiq muloqot o‘tkazildi.

Tadbirda Norin tuman hokimi Jo‘rabek Nurmatov, viloyat Yoshlar ishlari boshqarmasi boshlig‘i o‘rinbosari Alisher Akbarov, tuman prokurori Azizbek Turg‘unov, tuman Ichki ishlar bo‘limi boshlig‘i Dilmurod Karimov, yoshlar yetakchisi va tadbirkorlikka qiziqqan yoshlar ishtirok etishdi.

Yoshlar o‘z biznes g‘oyalari va startap tashabbuslarini taqdim etishdi. Mutasaddilar esa har bir taklifni eʼtibor bilan tinglab, istiqbolli loyihalarni moliyalashtirish imkoniyatlarini muhokama qilishdi.