Alloh taolo o‘z fazli karami bilan inson zotini aziz va mukarram qildi va behisob ne’matlar berdi. Shuning uchun ham ota-bobolarimiz har doim "Allohim bergan ne’matlaringga behisob, beadad shukronalar bo‘lsin", deb duo qilganlar.

Shu kunlarda kim bilan gaplashmang, dilida shukronasi ortgan. Davlatimiz rahbarining tumanimizga kelishi va tumanda aholi uchun munosib shart-sharoitlar yaratish uchun yuz milliard so‘m mablag‘ ajratishi bizni behad quvontirdi. Ayniqsa, mahallamizga tashrif, oddiy odamlarning dardiga quloq tutishi unutilmas voqelikka aylandi. Mahalla aholisi yurtboshimiz bilan quvonch va ko‘tarinki ruhda uchrashdi. Tashrifdan so‘ng mahallamiz tanib bo‘lmas darajada o‘zgarmoqda. Bunday o‘zgarishlardan mahallamiz aholisi ham xursand. 

Hadisi sharifda: "Odamlardan bo‘lgan yaxshilikka minnatdorchilik izhor qila olmagan Allohga ham shukr qila olmaydi" deb marhamat qilinadi. Nihoya kitobida bunday naql qilinadi "Birorta bandaga birov yaxshilik qilsa-yu, unga tashakkur aytmasa, Alloh taola o‘sha bandaning O‘z ne’matlariga qilgan shukronasini qabul qilmaydi." Hadisi sharif mazmuniga muvofq, biz norinliklar, onajonlar, barcha otinoyilar otalarcha g‘amxo‘rlik, e’tibor uchun Yurtboshimizga o‘z minnatdorchiligimizni bildiramiz. 

Shavkat Miromonovichning halqimiz baxti saodati, farovonligi, obodligi, osoyishtaligi va tinchligi yo‘lida qilayotgan hayrli va ezgu amallarida Alloh madadkor bo‘lsin. Allohim yurtimizni tinch va obod, xayotimizni farovon aylab, Yurtboshimizga uzoq umr, sog‘lik salomatlik, kuch-quvvat ato etsin. Barchamizni O‘ziga shukr qilguvchi solih bandalardan bo‘lishni nasib aylasin.

Salimaxon XUDOYBERDIYEVA,
Yangi Namangan mahalla otinoyisi.