Тантанали байрам тадбирида Норин тумани ҳокими Жўрабек Нурматов иштирокчиларни Янги йил байрами билан табриклади. Мамлакатимизда ёш авлоднинг ҳар томонлама соғлом ва баркамол улғайиши, замонавий таълим-тарбия олиши учун барча имконият яратилганини таъкидлаб ўтди.
Тадбир давомида Қорбобо ва Қорқиз, турли эртак қаҳрамонлари иштирокидаги томошалар ёшларни ватанпарварлик, дўстлик, фидойилик, тинчлик ва осойишталикнинг қадрига етиш каби эзгу ғояларга ундамоқда. Ушбу тантаналар давомида Янги йил совғалари топширилиши эса кичкинтойларнинг қувончига қувонч қўшмоқда.
Ташриф буюрганларга хуш кайфият улашиш мақсадида туманимизнинг таниқли хонандалари куй-қўшиқлари янгради.