Saturnni kuzatgan olimlar qiziq jarayonni payqashdi – sayyoraning mashhur halqalari yo‘qola boshladi.
Bu eng ichki halqalarga tegishli. Tadqiqotchilar sayyora ularni ulkan changyutgich kabi “so‘rib oladi” degan fikrda edi. Bu, ehtimol, tortishish kuchi harakati bilan bog‘liq. Halqalarning qoldiqlari Saturn atmosferasiga muz yomg‘ir shaklida tushadi.
Odamlar kosmos haqida juda kam narsa bilishadi va Saturn halqalarini kuzatish davri xulosa chiqarish uchun juda qisqa muddat. Biroq, olimlarning fikricha, halqalarning yoshi 100 million yildan oshmaydi – ya’ni ular nisbatan yosh. Endi olimlar ularni yo‘qolish jarayoni qanchalik shiddatli ekanligini tushunishga harakat qilmoqda.
Saturnni kuzatish uchun eng ilg‘or uskunalar – Gavayidagi Keck teleskopi va Jeyms Uebb teleskopi jalb qilinadi. Dastlabki tahlil yana bir necha yuz million yil davomida halqalarning mavjud bo‘lishidan darak bermoqda. Bu uzoq vaqtdek tuyulishi mumkin, ammo koinot standartlariga ko‘ra, bu nisbatan qisqa davr. Uzoq muddatli kuzatishlar halqalarni yo‘q bo‘lish jarayonining barcha tafsilotlarini ochib berishga yordam beradi, deb xabar beradi techcult.ru.