Rossiya prezidenti Vladimir Putinning Turkiyaga tashrifi Rossiya va Turkiya tomonining rejalarida bor, Moskva va Anqara hozircha vaqt borasida kelishib olishmagan. Bu haqda jurnalistlarga Rossiya Federasiyasi prezidentining tashqi siyosat bo‘yicha yordamchisi Yuriy Ushakov ma’lum qildi.
“Avgust oyi tilga olindi, boshqa variantlar ham tilga olindi, lekin biz hali bu ishni boshlamadik. Garchi prezidentimiz Erdo‘g‘onga Turkiyaga kelishga va’da berganligini nazarda tutayotgan bo‘lsak-da. Va’da Turkiya prezidentining so‘nggi saylovlardagi g‘alabasidan so‘ng darhol berilgan edi”, — dedi Ushakov.
Ikki davlat rahbarlari o‘rtasidagi muloqotlarda g‘alla kelishuvi mavzusi kun tartibida turibdimi, degan savolga javob berar ekan, Ushakov shunday dedi: “Tashrif davomida yoki bo‘lajak telefon muloqotlari chog‘ida – ular tez-tez telefon orqali muloqot qilishadi - don bilan bog‘liq masalalar ko‘tariladi, menimcha, bu juda tabiiy."