Futbol bo‘yicha Ispaniya La Ligasining 9-turida “Barselona” va “Granada” jamoalari 8-oktabr, yakshanba kuni o‘zaro bahs olib bordi.
Uchrashuvning ilk daqiqasidayoq “Granada” hisobni ochdi. Brayan Saragosa qiyinchiliksiz ter Shtegen darvozasiga yo‘l topdi. 29-daqiqada esa Saragosa dublni rasmiylashtirdi. Birinchi bo‘lim so‘ngida Lamin Yamal hisobni qisqartirdi. 85-daqiqada Serji Roberto muvozanatni tikladi. Shu tariqa jamoalar durang natijaga imzo chekdi.
Xavi jamoasi 21 ochko bilan 3-o‘rinda bormoqda.