Kuni kecha Tailandning Bangkok shahrida Osiyo boks konfederasiyasining navbatdan tashqari kongressi bo‘lib o‘tdi.
Ushbu kongressda Osiyo boksi atrofidagi turli masalalar ko‘rib chiqildi. 2022 yilda Osiyo mintaqasida bo‘lib o‘tgan barcha musobaqalar hisobotlari taqdim etildi.
Quvonarlisi, O‘zbekiston boks federasiyasi o‘tgan 2022 yilda medallar jamg‘arish bo‘yicha Osiyo qit’asining “Yil federasiyasi” deya tan olindi va Osiyo boks konfederasiyasi tomonidan maxsus mukofot bilan taqdirlandi.
Ushbu mukofotni O‘zbekiston boks federasiyasi raisi maslahatchisi Malik Babayev qabul qilib oldi.