“Ar-Riyadiyah” manbasi xabar berishicha, portugaliyalik futbolchi Krishtianu Ronalduning o‘g‘li – Anjel Dos Santos Aveyru “AL-Nassr” akademiyasida mashg‘ulot o‘tay boshladi.
Kichik Ronaldu 13-15 yosh oralig‘idagi o‘yinchilardan iborat bo‘lgan o‘smirlar jamoasida to‘p surishi ma’lum bo‘lgan. U otasi kabi yettinchi raqamda maydonga tushadi.
Anjel Dos Santos Aveyru shu paytgacha bir qator mashhur klublarda o‘ynagan. Jumladan, Ispaniyaning “CF Pozuelo de Alarcón” klubida ikki yil ichida 55 ta gol urgan. Keyin otasi bilan birga Turinning “Juventus” klubiga ko‘chgan va 28 o‘yin o‘tkazib 58 gol hamda 18 golli uzatmani amalga oshirgan. O‘smirning so‘nggi klubi Angliyaning “Manchester United” jamoasi bo‘lgan.