Madridning “Real” klubi yarim himoyachisi Luka Modrich bugun, 28 oktyabr kuni “Barselona”ga qarshi (2:1) La Liganing 11-turida Madrid klubi safidagi 500-uchrashuvini o‘tkazdi.
38 yoshli xorvatiyalik futbolchi 63-daqiqada 0:1 hisobi vaqtida zaxiradan maydonga tushdi va 90+2-daqiqada g‘alaba golini urgan Bellingemga assistentlik qildi.
Luka "Real"ga 2012 yil avgustida "Tottenxem"dan o‘tgan edi. Jamoa bilan birga 5 marta Chempionlar ligasida g‘olib chiqqan, 3 marta La Liga va ikki marta Ispaniya kubogini qo‘lga kiritgan.
Shuningdek, u "Los Blankos" safida Ispaniya Superkubogida "Barselona"ga qarshi debyut o‘yinini o‘tkazgandi.
Modrich madridliklar safida 34 ta gol va 65 ta golli uzatmaga mualliflik qilgan.