"Inter Mayami" hujumchisi Lionel Messi Kilian Mbappe va Erling Xolandning "Oltin to‘p"ni qo‘lga kiritish istiqbollari haqida gapirdi.
30 oktyabr kuni Messi 8-"Oltin to‘p"ni qo‘lga kiritib, “PSJ” va “Manchester Siti” hujumchilarini ortda qoldirdi.
"Tan olish kerakki, Xoland ajoyib mavsum o‘tkazdi. U juda ko‘p gol urdi, Chempionlar ligasida g‘olib chiqdi va "Manchester Siti" bilan treblga erishdi. Ishonchim komilki, u yaqin yillarda "Oltin to‘p" uchun muntazam kurashadigan futbolchilardan biri bo‘ladi. Agar u tez orada g‘alaba qozonsa, hayron bo‘lmayman.
Mbappega kelsak, bu taxminan bir xil: u mavsumni juda yaxshi o‘tkazdi, ayniqsa jahon chempionatini ajoyib o‘tkazdi, u o‘z gollari bilan biz uchun finalni deyarli barbod qildi. Nazarimda, bir necha bor aytganimdek u har yili sovrinni qo‘lga kiritishi mumkin bo‘lgan futbolchilardan biri, chunki u shubhasiz, dunyoning eng yaxshi futbolchilaridan biri", — dedi Messi L'Equipe bilan suhbatda.