Эсингизда бўлса, бундан олдин Расул Кушербаев автомобилларига тўлов миқдорини пасайтириш таклифи ишлаб чиқиб, аҳолидан унга 2005-2011 йилларда “UzAuto Motors" ("GM Uzbekistan" АЖ) томонидан енгил автомобиль етказиб бериш бўйича шартнома тузганлар бўлса, ўша шартнома нусхаларини "@Kusherbayevga_murojaatbot" бот манзилига юборишда ёрдам кўрсатишни сўраган эди.
«Газета.uz» Расул Кушербаев билан боғланиб, ушбу таклиф бўйича тўлиқ маълумот олган. «Газета.uz» журналисти Расул Кушербаевга "Неча фоизга камайтирилиши кутилмоқда?" (Автомобилларга бўлган биринчи тўлов суммаси - таҳр.) деган саволга шундай жавоб берган:
«Менинг шахсий фикрим, энг кўп олдиндан тўлов 50%дан ошиши мумкин эмас.
Антимонополия ҳозирча аниқ рақамни айтгани йўқ. Улар балки олдиндан айтишмас. Лекин менинг фикрим шундай — энг кўпи 50%. Умуман айтганда, олдиндан тўловга аванс тариқасида қарайдиган бўлсак, 15%нинг ўзи етарли. Чунки илгариги тартиб бўйича шундай эди.
Ҳозир шунга асословчи ҳужжатларни тўплаш нуқтаи назаридан 2005−2011 йиллар давомида шартнома асосида автомобиль олганлардан шартнома нусхасини жўнатишни сўрадим. Биздаги маълумотлар бўйича айнан ўша даврда шартнома бўйича олдиндан тўлов 15% бўлган ва ўша вақтдаги фактлар бўйича 15% тўловнинг ўзи етарли бўлган. Бу шартномада кўрсатилган». - дейди Расул Кушербаев