Динора Исоқовна Якубова Наманган вилояти ҳокими ўринбосари – вилоят Оила ва хотин-қизлар бошқармаси бошлиғи вазифасини бажарувчи лавозимига тайинланди.
Динора Якубова 1970 йилда Фарғона шаҳрида туғилган. Маълумоти олий, 1994 йили Наманган давлат университетини тамомлаган. Мутахассислиги педагог.
Меҳнат фаолиятини 1987 йилда Косонсой туманида болалар боғчаси тарбиячилигидан бошлаган.
Динора Якубова тайинловга қадар, яъни 2021 йил февраль ойидан буён Наманган вилояти "Ишга марҳамат" Мономаркази директори лавозимида фаолият юритиб келаётган эди.