Ўзбекистон ва Қозоғистон COVID-19’га қарши эмланганлик тўғрисидаги сертификатларни ўзаро тан олиш бўйича келишувга эришди. Бу ҳақда Санитария-эпидемиология хизмати хабар бермоқда.
Бу келишув жорий йилнинг 18 мартидан амал қилишни бошлади.
Икки давлат ҳукуматлари эришган келишувларга кўра, мамлакатга киришда эмланганлик тўғрисидаги сертификатлар мавжуд бўлганда, коронавирусга ПЗР тест топшириш шарт эмас.
Шунингдек, 5 ёшгача бўлган болаларга ҳамроҳлик қилаётганларнинг эмланганлик сертификати бўлса, ПЗР тест топшириш талаб қилинмайди.
Аммо 5 ёшдан ошган болалар, уларга ҳамроҳлик қилувчиларнинг эмланганлик сертификати бор-йўқлигидан қатьи назар, ПЗР тест натижаларига эга бўлишлари шарт.