Хитойлик инвесторлар Норин туманининг иқтисодий салоҳияти билан танишди

Норин тумани ҳокими Жўрабек Нурматов Хитой давлатидан ташриф буюрган “Shandong Fuxin” корхонаси раҳбари жаноб Хан Венки билан учрашди. Инвестор Норин туманидаги йирик салоҳиятли корхоналар фаолияти билан танишиш мақсадида "Норин текс" МЧЖда бўлиб, ишлаб чиқариш жараёни ва корхонанинг келгуси режалари билан танишишди.
Шундан сўнг туман ҳокимлиги ва хорижий меҳмонлар ўртасида туман иқтисодиётининг келгуси истиқболлари ва ривожлантириш  салоҳияти юқори бўлган соҳаларда амалга ошириш мумкин бўлган лойиҳалар юзасидан музокаралар олиб борилди.