Мустақиллик байрами муносабати билан Uzbekistan Airways республиканинг барча аҳолиси учун 2022 йил 1 сентябрдан 4 сентябргача бўлган байрам кунларида амалга ошириладиган маҳаллий авиақатновларда барча турдаги тарифларга 50% чегирма эълон қилди.
Маълум қилинишича, чегирмалар 2 ёшгача бўлган болаларга амал қилмайди ҳамда байрам чегирмаларини бошқа чегирмалар билан бирга қўллаш мумкин эмас. Йўловчилар авиачипта харид қилаётганларида шахсни тасқидловчи ҳужжатларни тақдим этишлари шарт.
Авиачипталарни Тошкент шаҳрида жойлашган Uzbekistan Airways Sales филиалидан, авиакомпания расмий сайтидан, мобиль иловадан ёки республика бўйлаб фаолият юритаётган агентлардан харид қилиш имконияти мавжуд.
Тошкентдаги авиачипталар сотуви бош офиси – Uzbekistan Airways Sales йўловчиларга қулайлик яратиш мақсадида 2022 йил июль — август ойлари мобайнида янги иш жадвалига ўтди, унга кўра марказий авиакасса ҳар куни соат 09:00 дан 21:00 гача фаолият кўрсатиб келмоқда.