Анжелина Жолининг собиқ турмуш ўртоғи — Бред Питтга қарши даъвоси тафсилотлари маълум бўлди. 2016 йилда актриса ФҚБ агентига Питтнинг унга нисбатан зўравонлик ҳолатларини батафсил баён қилган, деб ёзади «Фильм.ru».
Ўзини ҳимоя қилиш учун Жоли аноним равишда судга мурожаат қилишига тўғри келган. Ҳужжатлардан маълум бўлишича, Питт ўз фарзандлари билан шахсий самолётда бўлганида Жолига нисбатан зўравонлик ишлатган, уни ҳақорат қилган. Актёр Жолини елкасидан силкитиб, устидан пиво қуйган ва «Сен бу оилани бузяпсан» деб бақирган. Жолининг баданида жароҳат излари ҳам қолган.
Жолига алоқага чиққан ФҚБ махсус агенти АҚШ бош прокурори ёрдамчиси билан учрашди. Улар натижада Питтга қарши айблов қўймасликка ва ишни тўхтатишга қарор қилди.
Бироқ худди шу, 2016 йилда ФҚБ ва Лос-Анжелес оилавий идораси Голливуд жуфтлиги орасида содир бўлган болаларга нисбатан ҳақорат қилиш ҳолатларини текширишни бошлади.
Айтилишича, Питт 15 ёшли ўғли Меддоксни ота-онаси ўртасидаги жанжаллашув вақтида аралашишга уринганида уриб юборган. Ушбу ҳодиса ҳам худди шу шахсий самолётда содир бўлган.
Воқеа содир бўлгандан сўнг Жоли дарҳол ажрашиш учун ариза берган. Питт эса гўёки шундан сўнг спиртли ичимликларни ичишни тўхтатган ва унга расман айблов қўйилмаган.