2026 йил охиригача Австралия шимолида АҚШнинг олтита ядровий қувватга эга B-52 стратегик бомбардимончи самолётлари учун янги ҳарбий ҳаво базаси қурилади, деб ёзмоқда ABC.
Хабарда ёзилишича, Дарвиндан 320 км жануби-шарқда жойлашган Австралия ҳарбий-ҳаво кучлари базаси яқинида янги ҳарбий иншоот қурилади.
У B-52 учун тезкор бошқарув маркази, самолётларни таъмирлаш ва техник хизмат кўрсатиш инфратузилмаси, аэродром ва автотураргоҳга эга бўлиши режалаштирилган.