Норин туман тиббиёт бирлашмасида Янги йил байрами ўтказилди.

Янги йил байрами арафасида беморларни зиёрат қилиш, кексалар холидан хабар олиш, ўтганлар ҳаққига дуо қилиб, муҳтожлар, якка-ёлғизларга байрам туҳфалари тайёрлаб уларга хурсандчилик улашиш инсонпарварлик, олийжаноблик белгиси.
Туман ҳокими Жўрабек Нурматов ушбу тадбирда ҳозирги кунда Президентимиз раҳбарликлари остида олиб борилаётган ислоҳотлар ҳақида гапириб, ҳеч ким, ҳеч қачон меҳр ва эътибордан четда қолмаслигини таъкидлаб ўтди.

Шундан сўнг муассасада даволанаётган беморлар учун, туман ҳокими ва сектор раҳбарлари  томонидан олиб келинган янги йил  совғалари топширилди.